TIRANË- Teksa shembja e Teatrit Kombëtar ka qenë kryefjalë e ditës së sotme, një lajm i mirë përtej protestave na vjen nga spitali COVID/2, "Sheqfet Ndroqi".
Burime për Report Tv bëjnë me dije se aktualisht në ambientet e këtij spitali nuk ka më asnjë të shtruar, për pasojë pritet që ai të kthehet në normalitet. Mësohet se është bërë dezinfektimi i godinës dhe pas një urdhri pritet që të sillen në Tiranë pacientët të cilët, gjatë kësaj periudhe ishin transferuar në spitalin e qytetit të Elbasanit.
Ky vendim vjen si rezultat i numrit të ulët të pacientëve të hospitalizuar. Pavarësisht se 3-4 ditët e fundit ka pasur një rritje të shpejtë të numrit të të infektuarve, në spitalin Infektiv në QSUT aktualisht janë të shtruar 17 pacientë.
Komento
