Në ditën e fundit të merkatos ka marrë fund edhe një nga telenovelat më të gjata të verës, ajo e Mauro Icardi-t. Gjatë mbrëmjes të së dielës dhe në orët e para të mëngjesit të se hënës është arritur marrëveshja mes Interit dhe Paris SG për kalimin e sulmuesit në Francë.
Mediat italiane shkruajnë se Icardi në mesditë së bashku me gruan dhe agjenten Ëanda Nara do të niset nga Malpensa drejt kryeqytetit francez, pasi në orën 17:00 do të kryej vizitat mjekësore. Për 26-vjeçarin marrëveshja u arrit në bazë të formulës së huazimit për 5 mln euro si dhe blerjen përfundimtare sezonin e ardhshëm për 65 mln euro.
Gjithashtu në orët e para të mëngjesit është arrituir marrëveshja mes Interit dhe Icardit për zgjatjen e kontratës e cila është firmosur nga palët deri në vitin 2022. Kujtojmë se që nga uaji shkurt marrëdhëniet mes Interit dhe Icardi-t kanë qenë shumë të tensionuara.
Fillimisht 26-vjeçarit iu hoq shiriti i kapitenit, ndërsa më pas u përjashtua nga ekipi. Më tej Icardi refuzonte të bashkohej me skuadrën, ndërsa gjatë verës nuk mori pjesë as në turret përgatitore.
Komente
