LEZHË- Për të marrë shërbime në gjendjen civile 10 mije banorë të Njesisë Administrative të Balldrenit në Lezhë duhet të udhëtojnë drejt Blinisht, zonë e cila është më shumë se 12 km. Zyra e gjendjes civile në këtë njesi qëndron e mbyllur prej 1 muaji. Shkak është bërë mungesa e punonjëses e cila ka dalë në pension dhe ende nuk është zëvendësuar. Kjo situatë ka krijuar mjaft probleme për banoret e kësaj zone të cilëve ju duhet të udhëtojnë gjatë për të marrë shërbimet. Administratori i Balldrenit Sandër Marashi thotë se zyra hapet 1 herë në jave nga një punonjëse që vjen nga një njësi tjetër, por që kjo nuk është zgjidhje.
"Në realitet është e mbyllur për 4 ditë sepse ditën e premte vjen një e zyrës së Blinishtit. Ditën e premte kryhen nevojat e qytetarëve. Në realitet krijon problem pasi ka njerëz që kërkojnë shërbimin për sa i përket disa certifikatave. Ish punonjësja ka dal në pension dhe ende nuk është bërë zëvendësimi i saj", shprehet Sandër Marashi.
Emërimi i punonjëses së gjendjes civile bëhet nga Ministria e Brendshme me propozim të Bashkisë Lezhë, dhe sipas burimeve po kryhen të gjitha procedurat ligjore dhe zyra e gjendjes civile në Balldre do të vihet në funksion shumë shpejt.
Komente
Po pse mor legena pse te vujn balldrensit a nuk e dijten se do dali ne pension u marrt dreqi
Përgjigju