Një 23-vjeçar dyshohet se është mbytur në det te Gjiri i Lalëzit, pasi u fut për t'u larë. Policia bën me dije se ngjarja u regjistrua rreh orës 14:40, ku 23-vjeçari me inicialet A.S., banues në Tiranë, u fut për t'u larë, por fatkeqësisht nuk doli më i gjallë nga deti.
Trupi i tij nuk është gjetur ende, ndërsa Shërbimet e Policisë Kufitare dhe Polumbarët vijojnë kërkimet.
Sipas policisë, sot në mesditë ka pasur erë dhe dallgë, ndërsa mendohet se rrymat detare mund ta kenë zhvendosur trupin e të riut në drejtim të jugut.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Komento
