LIBRAZHD-Një i ri është gjetur i vdekur paraditen e sotme nga banorët e fshatit Rrapun. Viktima është B. K. 27 vjeç. Gjatë mbrëmjes së djeshme roja i digës së HEC-it të Rrapunit kishte njoftuar se i riu ishte futur në hidrocentral dhe nuk ka dalë më.
Policia ka shkuar menjëherë në vendngjarje duke nisur kërkimet dhe në bashkëpunim me punonjësit e HEC-it dhe banorët e zonës është bërë e mundur gjetja dhe nxjerrja e trupit të 27 vjeçarit, banues në Njësinë Administrative të Lunikut.
Nga këqyrja paraprake e kufomës nuk janë konstatuar shenja dhune apo dëmtime të shkaktuara nga ndonjë faktor tjetër. Nuk dihet nëse kemi të bëjmë me një rast vetëvrasje apo i riu ka qenë punonjës në këtë HEC dhe ngjarja është fshehur.
Grupi hetimor po punon për zbardhjen e plotë të rrethanave të ngjarjes se cfarë e ka shtyrë të riun të futet në HEC. Sipas familjarëve ai nuk kishte shfaqur probleme kohët e fundit. Kujtojmë që banorët e Rrapunit e kanë kundërshtuar ndërtimin e këtij HEC-i.
Komente
