Pas ndalimit të Anna Malaj, e cila ishte bashkëautorja e një sërë grabitjesh në disa pika karburantesh, policia ka arrestuar edhe autorin tjetër. Bëhet fjalë për shtetasin Emiljano Grembi, 22 vjeç, banues në Belinë Patos, i cili së bashku me kushërirën e tij kishin vjedhur me armë një karburant dhe kishin tentuar grabitjen e dy të tjerëve por pa sukses.
Dy kushërinjtë në datën 2 korrik kanë marrë 300 mijë lekë të vjetra nga një karburant në Levan, ndërkohë që në datën 7 korrik kanë tentuar të vjedhin një pikë karburanti në Mallakastër, por janë përleshur me punonjësit dhe janë larguar. Në datën 15 korrik pre e dy grabitësve ka rënë një pikë karburanti në lagjen 1 maji në Fier, por edhe në këtë rast punonjësit nuk i kanë lejuar të marrin xhiron ditore.
Për të realizuar grabitjet, Anna Malaj dhe kushëriri i saj përdornin një pushkë gjahu dhe një automjet të cilit i vendosnin targa të vjedhura. Arma e gjahut së bashku me 6 fishekë janë sekuestruar nga Policia, ndërkohë që është gjetur edhe makina si dhe targat e makinës të falsifikuara. Dy kushërinjtë akuzohen për vjedhje me armë dhe armëmbajtje pa leje, vepra penale që parashikojnë dënim deri në 10 vite burg.
Arma dhe sendet e sekuestruara
Njoftimi i policisë:
Fier
Ndalohet autori tjetër i vjedhjes me armë të 1 karburanti dhe tentativës për vjedhje të 2 karburanteve të tjerë.
Në vijim të punës për dokumentimin e plotë të ngjarjes dhe vënien para përgjegjësisë ligjore të autorëve, Specialistët për Hetimin e Krimeve në Komisariatin e Policisë Fier, ndaluan autorin tjetër të vjedhjes me armë të karburanteve, shtetasin:
•Emiljano Grembi, 22 vjeç, banues në Belinë Patos.
Shtetasi Emiljano Grembi në bashkëpunim me kushërirën e tij, shtetasen Anna Malaj (e cila u ndalua nga policia një ditë më parë) nën kërcënimin e armës, në datën 02.07.2018, në Levan, kanë vjedhur një pikë karburanti ku kanë marrë shumën prej 30000 lekësh të reja.
Në datën 07.07.2018, në Mallakastër, nën kërcënimin e armës kanë tentuar të vjedhin një pikë karburanti por pasi janë ndeshur me punonjësin e karburantit, janë larguar.
Në datën 15.07.2018, në lagjen “1 Maji” Fier, në bashkëpunim, duke kërcënuar me armë gjahu teke, kanë tentuar të vjedhin një tjetër pikë karburanti.
Materialet i kaluan Prokurorisë pranë Gjykatës së Shkallës së Parë Fier për veprat penale "Vjedhja me armë", e kryer në bashkëpunim e mbetur në tentativë" dhe "Prodhimi dhe mbajtja pa leje e armëve dhe municionit luftarak" parashikuar nga Nenet 140, 22, 25, dhe 278 të Kodit Penal.
Komente
Kur u bene keta fshataret me arme ne dore duke vjedhur gjakun e tjetrit. Keta duhen ndeshkuar keq fare.
Përgjigjuta kishte ardh ne biznesin tim do ta kisha kapur dhe do ta p***** nje muaj ..po sdo fati te vinte..
PërgjigjuPo cfare eshte ky emer i kesaj fshatares Anna me dy NN hahahaha cfare eshte katolike mallakastre apo ortodokse patosi hahahahaha Si e ka emrin ne rregjistrin themeltar para se mund ta kete ndryshusr? Manushaqe, Trendelina apo Paqyze hahahaha Kjo ka marre ne qafe dhe kete karafilin e vogel dhe mos u habitni sikur te jemi perballe faktit te nje incesti.
PërgjigjuNuk eshte nga patosi o fredio oo nga ballshi thot
Urgjentisht 10 vjet brënda dhe në punë të detyruar lidhur me zinxhirë këmbë e duar që të kuptojnë se jeta jetohet i lirë dhe me punë të ndershme. Nuk ka asnjë justifikim për të grabitur! Brënda që të shpëtojë shoqëria nga fundërrina të tilla!
Përgjigju