TIRANË - Nëse kapeni me celular gjatë provimeve të maturës shtetërore, penalizoheni duke hubur vitin. Ministrja e Arsimit, Besa Shahini, thotë se janë shtuar amsat disiplinore për përdorimin e celularit. Për pasojë, nëse një maturant paraqitet në qendrën e provimit ose që konstatohet gjatë provimit me celular, përjashtohet nga të gjitha provimet e maturës shtetërore dhe ka të drejtë t’i japin ato pas një viti.
"Një masë e tillë garanton një proces të drejtë të zhvillimit të provimit dhe ndihmon për një administrim cilësor", shprehet Shahini.
Matura Shtetërore 2020 vjen me disa ndryshime këtë vit, ku vlerësimi elektronik i provimeve është njëri prej tyre që do të rrisë standardet e cilësisë vlerësuese dhe të minimizojë gabimet njerëzore dhe shtojë transparencën.
Komente
