FUSHË –KRUJË-Policia ka arrestuar një 18-vjeçar, pasi iu gjetën dy armë zjarri, ndërsa akuzohet edhe për kultivim kanabisi. Ai është A. T. 18 vjeç, ndërsa u prangos, pasi gjatë kontrollit në vendin e quajtur "Kodra e Fiqve" u konstatua se qarkullonte me një armë zjarri në dorë.
Pas arrestimit nga kontrolli që u ushtrua në banesën e tij u gjet dhe sekuestrua edhe një tjetër armë zjarri pushkë model 56 dhe 58 fishekë luftarakë. Mbi 18-vjeçarin rëndon edhe akuza e kultivimit të bimëve narkotike, pasi gjatë kontrollit të territorit për parandalimin e kultivimit të bimëve narkotike shërbimet e Policisë kanë konstatuar të mbjella disa bimë narkotike, ky dyshohet se i ka kultivuar ai.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale "Kultivimi i bimëve narkotike"dhe "Prodhimi dhe mbajtja pa leje e armëve luftarake dhe e municionit" parashikuar në nenet 284 dhe 278 të Kodit Penal.
Komente
