Kryeministri Rama ishte i pranishëm sot tek tryeza e organizuar nga Komisioni i Posaçëm i Antikorrupsionit. Rama theksoi se ky Komision do jetë një mjet suksesi për anëtarësimin e Shqipërisë në BE. Nga ana tjetër vuri në dukje dhe rolin e teknologjisë në këtë proces, me anë të Inteligjencës Artificiale e cila do lehtësojë transferimin e legjislacionit të BE-së në Shqipërisë.
'E mira e këtij procesi nuk është se ne do e marrim Shqipërinë ta çojmë në Bruksel por do fusim Europën në Shqipëri në gjithë gjymtyrët e shtetit dhe shoqërisë, duke garantuar lirinë individuale, sundimin e ligjit dhe procesin demokratik. Ne kemi mundësinë të marrim dijen e BE, që me ndërveprimin me BE të hedhi këto hapa dhe të jemi këtu mes Europës. Nëse ne nuk do kishim procesin e integrimit, por edhe një mundësi që jemi mes Europës do duhet ta harronim si afganët, siç e kanë harruar dhe vendet e tjera. Dua të theksoj sot është plotësisht të realizojmë ambicien për tu anëtarësuar në BE edhe duke plotësuar kriteret e pronës sepse sot kemi me vete bekimin e kohës falë teknologjisë.
Nëse nuk do kishim këtë bekim këtë proces do merrnin kohë. Pashë një produkt të fundit të IA për transferimin e ligjeve të Be në Shqipëri, gjë e jashtëzakonshme. Kroacia për të bërë procesin e kalimit të legjislacionit nga pikëpamja mekanike mori 7 vjet. Angazhoi numër të jashtëzakonshëm përkthyesish. Nga produkti i novacionit kemi transferimin e ligjeve nga anglishtja në shqip me nivel të jashtëzakonshëm. Do kemi dhe të dhëna krahasimore.'
Lajmi kryesor:
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
G.K/A.M/ReportTv.al
