ITALI- Policia italiane ka vënë në pranga një 34-vjeçar shqiptar në Ankona, i cili mbahej nën vëzhgim prej kohësh pasi dyshohej se merrej me shitje lëndësh narkotike.
Shqiptari me iniciale E.D., tentoi t’i largohej policisë me makinën e tij tip “Pegout”, duke lëvizur me shpejtësinë 150 km/h, por sërish nuk mundi t’i shpëtonte ndjekjes së policisë.
Gjatë kontrollit në makinën e tij, policia ka gjetur dhe sekuestruar 2,5 kg kokainë, e cila nëse do të shitej në treg, do kapte vlerën e 100 mijë eurove.
Pas makinës, policia italiane ka vijuar kontrollet edhe në banesën ku jetonte shqiptari, ku u gjetën dhe u sekuestruan 500 euro dhe kokainë. Shqiptari është dërguar në burgun e Montacutos, ku edhe do të presë dhënien e dënimit nga drejtësia italiane.
Komente
