ITALI- Një i ri shqiptar i cili po vuan dënimin në burgun e Torinos, prej një muaji është futur në grevë urie duke kërkuar që dënimin e mbetur ta kryejë në Shqipëri.
Mediat italiane shkruajnë se babai i 2 fëmijëve e ka bërë kërkesën prej më shumë se një muaji por nuk i është përmbushur edhe pse nuk ka arsye konkrete që ia ndalon një gjë të tillë.
Ai ka refuzuar të ushqehet dhe gjendja e tij shëndetësore nuk është aspak e mirë. I riu peshon në total vetëm 30 kg dhe është në karrige me rrota.
Garantuesja e personave të privuar nga liria dhe që vuajnë dënimin në burgun e Torinos, Monica Cristina Gallo Gallo i është drejtuar me një kërkesë për shqyrtimin e rastit Ministrisë së Brendshme të Italisë, por përgjigja ishte se pezullimi i transferimeve të të burgosurve në Shqipëri, ka ndodhur për shkak të kapacitetit të pamjaftueshëm të ambienteve të burgjeve shqiptare.
