Më pak leje ndërtimi, por më shumë kulla shumëkatëshe. Ky është trendi i ndërtimeve që po vjen edhe si rezultat i pakësimit të trojeve për të ndërtuar, e që po sjell godina me dhjetëra kate.
Instituti i Statistikave thotë se vetëm vjet janë miratuar 2.4 milionë metra katrorë sipërfaqe me ndërtime të reja, ku vetëm në Tiranë janë 1.9 milionë metër katror projekte të reja. Në raport me vitin 2023, volumi i ndërtimeve në sipërfaqe është rritur me 383 mijë metra katrorë në të gjithë vendin.
Ndërsa sa i takon lejeve të ndërtimit ato janë pakësuar me 266 leje, pasi vjet u dhanë në total 1336 leje nga 1602 në vitin 2023.
Ky bum ndërtimesh që nuk ka të ndalur, vjen së bashku me një valë çmimesh të larta, që ekspertët e justifikojnë me kërkesën që ka në treg për prona.
“Përderisa ka kërkesë të lartë sigurisht që do të ketë edhe rritje të çmimeve. Kemi edhe rritje të kostove të ndërtimit, punëtoria por edhe taksat që shtohet. Sigurisht që do reflektohen në çmim”, pohon eksperti Ervin Demirxhiu.
Tirana nuk ka më zona të lira thonë ekspertët, ndërkohë që ndërtimet po shiten që sa hidhen themelet e para të pallateve me çmime mbi 1000 euro m², pothuajse në çdo cep të kryeqytetit.
“Nuk ka më zona të lira. Me çmim ekonomik mund të gjesh Paskuqanin, një pjesë të Yzbirisht ose 5 majin. Metri katror në këto zona është 1000-1300 euro”, thotë eksperti.
Vitin e shkuar janë miratuar 494 leje në Tiranë, ndjekur nga Durrësi me 334 leje dhe Elbasani me 127 leje ndërtimi.
Ndërsa sa i takon vlerës së këtyre projekteve të miratuara nga bashkitë vjet arrinte në vlerën mbi 1 miliardë euro nga afro 900 milionë euro që ishte në vitin 2023.
Viti 2024 - 1,336 leje
Rënia - 266 leje më pak
Viti 2024 - 2,498,916 m²
Rritja - +383,097 m²
Viti 2023 - 896 mln euro
Viti 2024 - 1,064 mln euro
Rritja - +168 mln euro
Komente
