Fermerët e zonës kodrinore të Lushnjës 80% të tokës e kanë të mbjellë me ullinj. Të ardhurat kryesore ata i sigurojnë nga shitja e vajit dhe ullinjve për tryezës.
Kushtet ekstreme të motit këtë vit bujqësor kanë ulur ndjeshëm rendimentin. Përveç prodhimit të paktë, kultivuesit e ullirit përballen edhe me probleme të tjera siç janë rritja e inputeve bujqësore mungesa e fuqisë punëtore për vjeljen apo dhe kosto e lartë e mekanikës bujqësore.
Megjithëse cilësia e vajit është mjaft e mirë kjo nuk justifikon çmimin e lartë të tregtimit që aktualisht është 700 lekë për litër.
“Vjet kishte shumë prodhim, sivjet është për të dëshiruar. Rendimenti me të vjetshmen është gjysmë për gjysmë. Vjet vajin e kam shitur me 4 mijë lek, këtë vit ende skam bërë vaj, por do shkojë 7-8 mijë lek (të vjetra) për litër”, thanë ata.
Pozitiv është fakti se fermerët kanë shitur të gjithë vajin e prodhuar vitin e kaluar të cilin e kishin të magazinuar, kjo pasi u shtuan eksportet me Italinë.
Komente
Cdo gje kalon ne kuriz te konsumatorit..Prodhues e tregetar fitimin e duan te plote.Babezia eshte e madhe. E gjithe shtrenjtesia kalon mbi pensionistet,te pa punet dhe buxhetoret.
Përgjigju