Kryeministri Rama ishte pjesë e tryezës së Komisionit të Posaçëm Antikorrupsion ku theksoi se ky komision do të jetë një mjet suksesi për anëtarësimin në Bashkimin Europian.
Rama tregoi edhe avnatazhet e teknologjisë në këtë proces, teksa tregoi një rast nga seancat gjyqësore, për një pronë e cila tregohej në sallë me hartat e palosura dhe shpalosura shumë herë, saqë prona e qytetarit ishte bërë vrimë.
'Ky është vetëm një shembull që vlen dhe për Kadastrën. Me teknologjinë bëjmë hapin e fundit për një proces që mund të merrte më shumë kohë. Shembull real nga proceset gjyqësore në Shqipëri, rasti i një konflikti prone që shkon në gjykatë dhe gjykata disponon hartën dhe harta nga palosja dhe shpalosja kush e di sa herë në cepat e palosura kishte vrima. Dhe vendimi shkruan se vendimi nuk zgjidhet dot se prona është në vrimë. Të gjithë llojet e vrimave mund të mbyllen falë teknologjisë. Jam shumë optimist sepse kemi shumë progres në strukturat e qeverisjes. Edhe pushtetet e tjera të bëjnë shumë më tepër. Nëse nuk e bëjmë të gjithë atëherë mbetemi si një territor ku sistemi nuk ofron ato që mund të ofrojë.'
Lajmi kryesor:
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
G.K/ReportTv.al