Sekretarja e Shtetit i Ministrisë së Brendshme në Serbi, Biljana Popovic Ivkovic, përpara zhvillimit të Asamblesë së Përgjithshme të Interpolit, është takuar me ambasadorët e disa vendeve dhe iu ka paraqitur atyre argumente se pse Kosova nuk mund të bëhet anëtare Interpolit.
Popoviç Ivkoviç u tha ambasadorëve në Santiago se duke e vendosur këtë çështje në axhendën e Asamblesë së Përgjithshme, Sekretariati i Përgjithshëm i Interpolit shkel Kartën e OKB dhe Rezolutën 1244 të Këshillit të Sigurimit.
Media serbe Tanjug.Tacno dhe PTC, shkruajnë se Prishtina po përballet me "dështim spektakolar" për anëtarësimin në Interpol. Sipas tyre, zyrtarët në Prishtinë kanë marrë një mesazh nga bashkësia ndërkombëtare që ata nuk do të kenë sukses të hyjnë në Organizatën Ndërkombëtare të Policisë (Interpol) këtë vit, por me dorëheqjen e kryeministrit Ramush Haradinaj, ata nuk e kanë tërhequr deri më tani kërkesën e tyre.
Sipas ‘Koha Ditore’, Interpol ka pranuar të përfshijë kërkesën e Kosovës në axhendën e Asamblesë së Përgjithshme, e cila do mbahet në Kili javën e ardhshme. Angola do të jetë vendi raportues dhe ai që do të merret me kërkesën e paraqitur nga Prishtina.
Sipas ‘PTC’, një nga pesë zëvendëskryeministrat e Kosovës, i cili ka folur për gazetën në kushte anonimiteti, tha se "për shkak të kontekstit politik në të cilin ndodhet Kosova, është pothuajse i pamundur procesi i anëtarësimit".
Komente
