Shtetet e Bashkuara janë duke përgatitur një plan për të lehtësuar sanksionet kundër Rusisë. Këtë e kanë bërë të ditur për agjencinë Reuters një zyrtar amerikan dhe një person tjetër i informuar mbi këtë çështje.
Sipas burimeve, Shtëpia e Bardhë u ka kërkuar Departamentit të Shtetit dhe Departamentit të Thesarit të hartojnë një listë masash që do të diskutohen me përfaqësuesit e Moskës në ditët në vijim.
Ky plan është pjesë e bisedimeve më të gjera të administratës për përmirësimin e marrëdhënieve diplomatike dhe ekonomike me Rusinë.
Departamentet përkatëse po punojnë për një propozim që parashikon heqjen e sanksioneve për disa entitete dhe individë të zgjedhur, përfshirë disa oligarkë rusë.
Komento
Komente
