Mediat greke shkruajnë se turqit po zhvillojnë raketa hipersonike, një gjeneratë e re raketash dhe një lloj arme e re që nuk mund të kundërshtohet nga asnjë sistem i mbrojtjes ajrore, dhe dyshojnë se Turqia po bashkëpunon me Rusinë për këtë gjë.
Raketat hipersonike janë jashtëzakonisht të vështira për t’u zbuluar dhe për t’u kapur nga pothuajse të gjitha sistemet ekzistuese antiraketë.
“Thashethemet e reja që ndoshta duhet të shqetësojnë shumë palën greke janë se turqit po zhvillojnë raketa hipersonike . Një gjeneratë e re raketash që janë praktikisht të pamundura për t’u kapur dhe janë potencialisht një armë kryesore në vendin që e ka.”, thonë mediat greke.
Ato shkruajnë se bazohen në deklaratën me nënkuptime të Presidencës së Industrive të Mbrojtjes (SSB), në gazetën turke STAR.
“Dyshimi se Turqia po përgatit diçka të ngjashme u forcua nga një intervistë e fundit e Serdar Demirel, nënkryetar i Presidencës së Industrive të Mbrojtjes (SSB), në gazetën turke STAR. Demirel tha se “duhet të jemi gati për luftë dhe duhet të kemi armët për të bërë një surprizë ."
Mediat greke shkruajnë se specialistët besojnë se kjo deklaratë fsheh diçka veçanërisht të rëndësishme pas saj, me shumë gjasa zhvillimin e një rakete teknologjie supersonike 'Scramjet' dhe se vetëm SHBA, Kina dhe Rusia kanë aktualisht një teknologji të tillë.
Teknologjia "Scramjet" është një variant i një motori reaktiv, në të cilin djegia ndodh me rrjedhën e ajrit me shpejtësi supersonike. Në këta motorë, ajri kompresohet fort përpara djegies dhe falë një dizajni krejtësisht të ndryshëm ai lejon që motori të jetë veçanërisht efikas në shpejtësi jashtëzakonisht të larta.
“Nëse rusët kanë shkëmbyer teknologjinë me raketa hipersonike me Turqinë, me siguri po flasim për raketën Kinzhal, e cila ka informacione të pakonfirmuara se është përdorur tashmë në Ukrainë dhe ndoshta në Siri.”, shkruhet në mediat greke.
Kjo raketë e veçantë lëshohet nga një avion dhe ka një rreze veprimi deri në 2000 kilometra.
Ekziston edhe raketa "Tsirkon" me një rreze veprimi prej 1000 km dhe një shpejtësi 9 herë më të madhe se shpejtësia e zërit (edhe pse ndoshta është ende në fazën e testimit dhe zhvillimit).
“E rëndësishme është të theksohet se këto lloj raketash janë ende në fazën e zhvillimit, veçanërisht ato ruse. Megjithatë, nëse vërtet ka ndonjë lidhje midis Turqisë dhe Rusisë në këtë çështje, në praktikë nuk ekziston një sistem i mbrojtjes ajrore që mund të përballet ose të bllokojë sulmet me raketa hipersonike”, shkruan media greke.”, thonë mediat greke.
