Ukraina është plotësisht e kontrolluar, e qeverisur dhe e sponsorizuar nga Shtetet e Bashkuara të Amerikës dhe nga NATO.
Kështu ka deklaruar sot, nënkryetari i Këshillit të Sigurimit rus Dimitri Medvedev, duke komentuar deklaratat e kancelarit gjerman Olaf Scholz sipas të cilit Ukraina është ‘e fortë dhe nuk mund të gjunjëzohet’.
‘Scholz duhet të pendohet para ukrainasve për gënjeshtrat e tij, për fitoren e afërt”, shtoi Medvedev.
Ndërkohë, sipas mediave të huaja vijojnë sulmet e Ukrainës ndaj Rusisë, ku gjatë mëngjesit të sotëm 3 dronë ukrainas sulmuan rajonin Belgorod të Rusisë.
Nga ky sulm nuk pati viktima, por linja e energjisë elektrike u dëmtua. Këtë e ka bërë të ditur guvernatori i rajonit të Belgorodit Vyacheslav Gladkov sipas agjencisë ruse të lajmeve "Tass".
