Zbulohen detaje të reja lidhur me arrestimet në Tiranë në kuadër të megaoperacionit “Tempulli”.
22 prej personave të arrestuar janë kapur në Kombinat, dhe sipas burimeve e kishin kthyer zonën në një “fushë” të shpërndarjes së drogës. Mësohet se në pranga ka përfunduar edhe një menaxher i një lokali në ish-Bllok, pasi në ambientet e tij shpërndahej droga. Droga e ardhur nga Kanadaja është shumë me e fortë se kanabisi që kultivohet brenda vendit, me 5 apo 6 fish më shumë efekt, si pasojë edhe më e shtrenjtë.
Një kuti si ato të konservave, kushton 50 euro, ndërsa të tjerat shkojnë deri në shifra 300 euro.
Seksioni Kundër Narkotikëve në Policinë e Tiranës sekuestroi edhe 3.7 kg kokainë gjatë operacionit të sotëm dhe 10 kg kanabis. Ndërkohë, mësohet se janë sekuestruar edhe 30.000 euro, 45 milionë lekë të vjetra, 6000 paund, 12 automjete, 3 motomjete, 78 aparate celularë dhe 12 peshore elektronike, informon gazetari i Report Tv, Sokol Dema.
Lajmi kryesor:
Megaoperacioni 'Tempulli', goditen 23 grupe shpërndarësish droge nga Tirana në Vlorë! 233 të arrestuar brenda natës, 82 në kërkim! Balla: Do ua nxijmë jetën!
S.G/ReportTv.al
