Një helikopter ushtarak është rrëzuar në Meksikë gjatë një operacioni duke shkaktuar vdekjen e pesë anëtarëve të bordit.
Helikopteri MI-17 u përfshi nga flakët teksa po shuante zjarrin që kishin kapluar malet.
Personat e vdekur u gjetën në mal dhe ishin pjesë e personelit ushtarak të Meksikës.
Ai ra rreth 90 kilometra larg qytetit, Jalpan de Sierra. Ende nuk janë bërë të qarta arsyet e rrëzimit.
Sipas Euronews gjatë mëngjesit një skuadër kërkimi gjeti disa pjesë të mbetura të helikopterit.
Presidenti i Meksikës, Andres Maneul Lopez Obrador si dhe zyrtarë të tjerë të shtetit mbajtën në mbrëmje një minutë heshtje në kujtim të personave që humbën jetën.
Komento
Komente
