Punimet e nisura për restaurimin e vendvarrimit të Skënderbeut në qytetin e Lezhës, kanë dhënë ndikim mjaft negativ për sezonin turistik. Të shumtë janë turistet që i drejtohen Lezhës për të vizituar këtë aset historik, por që e gjejnë të mbyllur për shkak të punimeve që po kryhen. Vizitorët thonë se punimet mund të ishin realizuar në një kohë tjetër, dhe jo në këtë periudhë.
Përgjegjësi i Trashëgimisë Kulturore në Bashkinë Lezhë Paulin Zefi, thotë se punimet mund të ishin kryer më herët ose në përfundim të sezonit turistik, por sipas tij e rëndësishme është që tashmë ky investim mjaft i domosdoshëm po realizohet. Vendvarrimi i Skënderbeut në Lezhë do të qëndrojë i mbyllur deri në fundin e muajit dhjetor, periudhe kur të pritet të përfundojnë dhe punimet.
KËSHTU ËSHTË KUR KE MINISTRE KULTURE NJË TË PAAFTË. SHPRESOJMË TË PAKTËN TË BËHET RESTAURIM I SAKTË DHE MOS JA FUTIN 3 UJË 1 ORIZ, ASHTU SIÇ BËNË ME SHTËPINË E FLAMURIT NË KORÇË, QË E BËNË SI VILË ME MERMER DHE BETON NË VEND TË GURËVE DHE DYSHEMEVE QË KISHTE DHE DUHET TË VAZHDONTE TË KISHTE.
Përgjigju