Të gjithë kanë një ditë të tyren, në dukje të zakonshme. Mund të jesh mjek, inxhinier, zanatçi, shtëpiake apo në kërkim të një pune, por çdo mëngjes i ri të përball me sfida të reja, ndjesi e emocione që në mbrëmje të bëjnë të reflektosh për atë që le pas e për të nesërmen e panjohur që të pret. Gjithçka përjeton ditë pas dite është tregues i historisë personale të njeriut në fshat e në qytet që në tërësi formëson shoqërinë shqiptare.
Risia e këtij sezoni të katërt është përfshirja e Rubrikës Speciale, në të cilën trajtohen tema të ndryshme që pasqyrojnë realitetin në çdo sektor të jetës kudo nëpër Shqipëri.
Nën moderimin e gazetares Xhensila Nako, çdo të shtunë në orën 13:00 do të keni mundësi të ndiqni histori të jashtëzakonshme të njerëzve të zakonshëm.
Komente
