FIFA ka publikuar të dhënat e saj të transferimeve ndërkombëtare (1 qershor - 2 shtator 2024), një analizë e aktivitetit të transferimit të lojtarëve ndërkombëtarë gjatë merkatos të mesit të vitit 2024, duke zbuluar një seri shifrash rekord në futboll si për meshkujt ashtu edhe për femrat.
Në futbollin profesionist për meshkuj, një total prej më shumë se 6.4 miliardë dollarë u shpenzuan për tarifat e transferimit, që është shuma e dytë më e lartë ndonjëherë.
Mbi 10,900 transferime ndërkombëtare janë regjistruar në futbollin profesionist për meshkuj në mbarë botën, një rekord i të gjitha kohërave. Klubet angleze kryesuan sesionin veror të merkatos 2024, duke shpenzuar më shumë se 1.6 miliardë dollarë.
Numri më i madh i blerjeve u krye nga klubet nga Anglia, të ndjekura nga klubet nga Brazili dhe Portugalia. Në futbollin profesionist për femra, 6.8 milionë dollarë u shpenzuan për transferime ndërkombëtare, më shumë se dyfishi i shumës së shpenzuar në sesionin e mëparshme të verës.
Përveç kësaj, më shumë se 1,100 transferime ndërkombëtare u regjistruan në futbollin profesionist të femrave në mbarë botën, një rekord i ri dhe një rritje prej më shumë se 30% krahasuar me merkaton e verës të vitit 2023. Në janar 2025, FIFA do të publikojë një analizë të thelluar të karakteristikave të transfertave ndërkombëtare të kryera gjatë vitit kalendarik 2024.
Komente
