Pas vendimit të një gjykate për një zyrtar të lartë si Saimir Tahiri, komentet për drejtësinë nuk vlejnë. Por vlejnë komentet për politikanët e gëzuar apo trembur nga ky vendim.
Ajo që bie ne sy është se gjithë “Foltorja”, e cila ka nisur një betejë afatgjatë kundër reformës në drejtësi dhe mbikëqyrjes amerikane për të, përpiqet ta godasë vendimin në dy mënyra të ndryshme.
Njëra mënyrë është ajo e Sali Berishës, i cili i trembur në palcë, thotë se ky dënim duhet të ishte dhjetë herë më i lartë, si për të treguar se ai nuk është në sërën e Saimir Tahirit, nëse dënohet.
Komentet e tjera vijnë nga pjesa tjetër e “Foltores”, që është LSI, të cilët e quajnë vendimin një orkestrim të Edi Ramës.
Për të mos u përfshirë në makthet e tyre rreth drejtësisë dhe për t’u plotësuar njëkohësisht të gjitha dëshirat që shprehin, me këtë rast kam një propozim për ta.
Meqë sipas tyre ky është një vendim i orkestruar nga Edi Rama, meqë si thotë Berisha është një vendim i bekuar nga ambasadorja Yuri Kim, meqë siç thotë Monika është një pazar i Edi Ramës me drejtësinë, po i lutem Edi Ramës, ambasadores Yuri Kim dhe gjithë atyre që pjesëtaret e “Foltores po i akuzojnë si ndikues të drejtësisë, të zbatojnë të njëjtat kritere për të ndëshkuar Sali Berishën, Ilir Metën, Fatmir Mediun, Shkëlzen Berishën etj.
Pra le ta quajmë se Saimir Tahirin e kanë dënuar pak, le ta quajmë se Edi Rama ka bërë pazar me drejtësinë, le ta quajmë që ambasadorja Yuri Kim e ka garantuar këtë pazar.
Le të lutemi që ta mbajnë me hatër dhe Sali Berishën, Ilir Metën, Fatmir Mediun etj. Le t’i dënojnë sa Saimir Tahirin. E di që është një padrejtësi e madhe ndaj Tahirit, por le ta mendojmë veten të pafuqishëm për një moment dhe ta nisim me këtë dënim.
Pastaj rrugës dalin vetë të tjerët. Kështu do jenë të gjithë të barabartë para këtij standarti. Dhe disa si Meta e Berisha “edhe më të barabartë”.
Komente
Cfare thua zoti Mero! Ketu SPAKU nuk guxon tu permende emrat Metes,Monikes,Berishes,apo Zenkes e Gites,pa le me te hape dosje per ta! Pa le me qe ti denojne,qofte dhe sikur ti denojne me pune korrektuese per disa dite,vetem ti denojne!Pa qe ti denojne aq sa duhej te ishin denuar per korrupsion madhor,per tregeti cocaine (Mona e Likja,apo Zeni)per minim te demokracise,per vrasje njerezish dhe per te shpelare berrylat qe i kane deri ne rreze me gjak,nuk e besoj se do ndodhe me SPAKUN e sotem.Sa per ndikimin e Edi Rames apo te zonjes KIM ne vendimin per Tahirin keto jane insinuata e komente te binomit Like- Berisha nga njera ane dhe e anes tjeter te ekuacionit,bashkepunetorit numer nje te Berishes ne te gjitha krimet e pas vitit 2005,Tavarishit Hollandez 7x7=49.No comment!
PërgjigjuTahirit ti merret pasuria...dhe te mos kete te drejte vote per 25 vjet....
PërgjigjuHera e pare qe jam dakort 100%! Ashtu ti denojne me rregji si thone keta. Madje jo 3.4 vite por 2.3 vite boll te futen brenfs plehrat. Sipas ligjit anti mafia edhe konfiskim pasurie.
Përgjigju