LUSHNJË- Apartamenti i katit të parë të një prej pallateve parafabrikat ka marrë flakë në qytetin e Lushnjës mbrëmjen e kësaj të hëne. Si pasojë e zjarrit është shkrumbuar totalisht banesa e Pëllumb Mustafajt si dhe është lënduar vetë 68-vjeçari. Ndërhyrja e zjarrfikësve ka ndaluar përhapjen e zjarrit në banesën ngjitur.
Zjarrfikësit kanë izoluar flakët ndërsa i lënduari është transportuar fillimisht në spitalin e Lushnjës e më pas në Tiranë për mjekim më te specializuar në QSUT. Grupi hetimor po punon për zbardhjen e shkaqeve të zjarrit, dyshohet si pasojë e pakujdesisë.
Komento
