TIRANE - Drejtësia gjermane ka bërë hapin e parë për ekstradimin në Shqipëri të Arbër Çekajt, pronarit të kontenierit me banane "Arbri Garden", brenda të cilit në mars të 2018-ës u zbuluan në Portin e Durrësit 613 kilogramë kokainë ardhur nga Kolumbia. Shkalla e parë e një gjykate gjermane i ka dhënë OK ekstradimit, por ky vendim nuk bën që Çekaj, i arrestuar në Gjermani, të vijë drejt vendit tonë.
Shqiptarja.com mëson se Arbër Çekaj, se përmes avokatit të tij gjerman e ka apeluar vendimin, dhe që të marrë formë të prerë duhet të pritet si do të jetë edhe vendimi i Apelit. Po ashtu, Çekaj ka kërkuar azil politik në Gjermani, kërkesë e cila është në shqyrtim e sipër. Vendimi për ekstradimin është dhënë nga drejtësia gjermane rreth 20 ditë më parë nga gjykata penale e Dusseldorfit. Edhe në këtë seancë, Arbër Çekaj ka kërkuar të mos ekstradohet me argumentin se në Shqipëri i rrezikohet jeta.
Në Shqipëri, Arbër Çekaj akuzohet nga Prokuroria për Krime të Rënda për trafik të lëndëve narkotike.
Në pranga është menaxheri Donald Lushaj dhe Armando Pezaku, shoferi i kamionit që transportoi kontenierët me banane dhe kokainë drejt magazinave të Arbri Garden në Maminas ku u zhvillua dhe operacioni i arrestimeve nga policia që zbuloi kokainën me vlerë 180 milionë euro.
Arbër Çekaj u arratis në Gjermani duke i shpëtuar autoriteteve shqiptare dhe u arrestua pak kohë më pas.
Komente
He m se po vjen n shqiperi t gjykohet nga kto 'gjyqtaret' tane.
PërgjigjuJa merrni shpirtin ketij ndyresire se per ca para kerkon te helmoi rinin tone rrugaci .. burgim te perjetshem ,,te pakten!
PërgjigjuTe kerkosh azil politik se merresh me trafik internacional droge,kjo eshte cmenduri qe degjohet nga shqiptaret
PërgjigjuLajm i mire,,pas kaq kohesh
Përgjigju