Ndeshja e kthimit e Partizanit përballë Saburtalos do të luhet në stadiumin “Air Albania”. Fillimisht u vendos që sfida të bëhej në stadiumin “Elbasan Arena”, por gjithçka ndryshoi dhe tashmë takimi i dytë do të bëhet në kryeqytet më 14 korrik, në orën 20:00. Duket se UEFA ka pranuar kërkesën e Partizanit për të luajtur sfidën në kryeqytet.
FSHF dhe shoqëria që menaxhon stadiumin ‘Air Albania’ kanë vendosur që mbjellja e barit të shtyhet për një moment tjetër, me qëllim që Tirana dhe Partizani të kenë mbështetje sa më të madhe të tifozërive për ndeshjet e Europës.
Në Kupën e Europës marrin pjesë Tirana dhe Partizani. Më 12 korrik Tirana luan ndeshjet e kthimit kundër Dudelange për turin e parë të Champions League, ndërsa Partizani më 14 korrik pret Saburtalo-n për turin e parë të Conference League.
