SHKODËR- Një përgjegjës dhe 4 punonjës të një subjekti ekonomik janë vënë nën hetim pasi u kapën duke marrë inerte ilegalisht me eskavator e kamionë në lumin Buna.
Policia e Shkodrës kapi këta 5 persona në flagrancë duke mbushur në orët e para të mëngjesit kamionët me inerte. Policia sekuestroi një ekskavator dhe 3 kamionë të mbushur me inerte.
Këta 5 persona, të organizuar në një subjekt ekonomik, me përgjegjës një person me iniciale S. K. dhe me punonjës 4 të tjerë, e kyenin këtë paligjshmëri kundër mjedisit, duke fshehur të ardhurat që gjeneronin.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Komento
