Ndër debatet më zë për momentin në arenën ndërkombëtare është ai kryeministrit britanik Rishi Sunak me kryeministrin grek Kyriakos Mitsotakis, mbi Skulpturat e Partenonit të njohura si Mermeret Elgin.
Së fundmi, Mbreti i Mbretërisë së Bashkuar, Charles III, ka zgjedhur një mënyrë konfuzuese por mjaft domethënëse për të reaguar mbi rastin.
I pranishëm në samitin e klimës COP28 në Dubai, Chalrles u shfaq i veshur me një kravatë ku si motiv kishte flamurin grek.
Ky veprim ka sjellë pikëpyetje të shumta për veprimin e mbretit britanik, duke ngritur dyshime se ky i fundit është pozicionuar krah kryeministrit grek.
Megjithatë, sipas pallatit Buckingham, ajo ishte thjesht një zgjedhje e rastësishme e kravatës, raporton BBC.
Burimet mbretërore vunë në dukje se kravata në fjalë ishte veshur edhe kur mbreti Charles u takua me delegacionin e Koresë së Jugut në vizitën e tyre shtetërore në Britani javën e kaluar.
Duhet theksuar fakti që Charles ka lidhje familjare me Greqinë, pasi babai i tij, i ndjeri Princi Philip, lindi në Greqi dhe ishte anëtar i familjes mbretërore greke.
Komente
Britannia paska derguar mesazh , po ju vjen kriza !
Përgjigju