“Rreze Dielli” do t’i ngrohë dhe do t'i bëjë më të bukura mëngjeset tuaja festive. Më 31 dhjetor deri në 2 janar do të jemi bashkë me të ftuar special të cilët do t’ju argëtojnë e do t’ju mbajnë të mbërthyer pranë ekranit të Report Tv.
Vitin e ri do ta presim me Irini Qirjakon, Klaudia Hilën, Genc Fugën, Nora Malaj dhe Gazmend Ujkashin mes muzikës, festës dhe emocioneve të bukura.
Një vizitë në qytetin e serenatave, Lefteri dhe Sonja 88-vjeçarët korçarë hapin dyert e shtëpisë së tyre për “Rreze Dielli”. Festat bëhen më të bukura në shtëpinë e Zamira Kitës.
Një bisedë e ngrohtë me aktorin Koço Qëndro dhe një xhiro në fordin 57-vjeçar të Zhani Ziçishtit.
Këngëtarja Lazarela Deti do t’i japë hare ditës suaj nën tingujt e magjishëm të serenatave korçare.
"Rreze Dielli" ju uron Gëzuar Festat!
