Mbrëmjen e djeshme shtëpisë së “Big Brother VIP” iu bashkua sërish këngëtari i njohur, Sabiani. Si fillim këngëtari hyri në shtëpi për të takuar vajzën e tij Keisin, ndërsa më pas u prezantua si konkurrent i reality show-t.
Hyrja e Sabianit shkaktoi mjaft të qeshura në shtëpi pasi banorët filluan të aludojnë se si mund të shkojnë raportet mes tij dhe partnerit të Keisit, Kristit. Mirëpo duket se përpos të qeshurave, një pjesë e publikut nuk e ka pritur dhe aq mirë hyrjen e Sabianit në shtëpi.
Mes reagimeve ka qenë dhe moderatorja e njohur, Einxhel Shkira, e cila teksa postoi një foto në InstaStory, u shpreh se hyrja e këngëtarit është totalisht një dhunë psikologjike për vajzën e tij.
“Pertej shakas, kjo qe ndodhi sesht aspak normale, jo per pjesen e spektaklit, por esht totalisht e pashëndetshme jo vetem si mardhenie, por totalisht nje dhune psikologjike dhe kontroll i frikshem i femijes, sidomos vajzes! Ky ishte mesazhi dhe shembulli me i gabuar”, u shpreh Einxheli.
