Aktorja Egla Ceno u bë pikënisja e një debati të ashpër që zhvilloi me disa prej banorëve, duke u shfaqur si protagoniste e tensioneve në shtëpinë e Big Brother VIP Albania.
Ajo përmendi konkretisht aktorin Julian Deda i cili kishte ndërruar rrobat në sy të saj të dielën. Ajo tha se kjo sjellje është e papranueshme dhe se meshkujt duhet të tregojnë më shumë konsideratë ndaj pranisë të të tjerëve.
“As vëllai im nuk guxon të më dalë me të brendshme, e lëre më këta këtu”, është shprehur Egla në dhomën e rrëfimit, duke nënkuptuar se kjo sjellje nuk është e pranueshme, dhe se të gjithë duhet të tregojnë më shumë konsideratë ndaj hapësirave të përbashkëta dhe ndaj pranisë së të tjerëve.
Në klipin e publikuar, diskutimi i Eglas ka ndezur biseda dhe reagimet e banorëve të tjerë, duke u bërë kështu ndër temat e para të diskutuara në edicionin e sivjetmë të BBVA.
