Edhe atëherë kur gabon Messi, penallltitë i vijnë në ndihmë Argjentinës. Kampionët e botës kanë vuajtur shumë në ndeshjen çerekfinale të Kupës së Amerikës pavarësisht se kaluan të parët në avantazh. Në ndeshjen e zhvilluar një Hjuston, në praninë e 70 mijë tifozë, ‘albicelestët’ zhbllokuan shifrat në minutën e 35 me Lisandro Martinez, ndërsa ekuadorianët para se të barazonin humbën nje penallti me Valencian. Goli i barazimit, që e dërgoi çerekfinalet te penalltitë erdhi në minutën e 92 nga Rodriguez.
Te 11 metërshat e para goditi Argjentina me kapitenin Messi, i cili si rrallherë gaboi, duke futur në ankth tifozët. Mirëpo për të nderuar Messin dhe përfaqësuesen e drejtuar nga Scaloni, mendoi edhe njëherë si në Botëror portieri Martinez, i cili priti dy penallti radhazi. Në vijim te Argjentina 4 goditësin e tjerë u treguan të saktë, duke kualifikuar kombëtaren në gjysmëfinale, atje ku do përballet me fituesin e çiftit Venezeulë-Kanada.
