Lionel Messi është një lojtar i PSG. Ylli argjentinas ka mbërritur në Paris ku do të kryejë vizitat mjekësore dhe do të hedhë firmën në kontratë. Ish-kapiteni i Barcelonës pasi të kalojë vizitat mjekësore do të hedhë firmën në kontratë 2-vjeçare nga e cila sipas mediave franceze do përfitojë rreth 40 milion euro në sezon.
Messi pasi arriti akordin fluturoi me avionin privat nga Barcelona në Paris së bashkë me familjen e tij. Në kryeqytetin francez e prisnin shumë tifozë që kanë shpërthyer në festë. Me një bluze të bardhë ku shkruhej Paris, Messi ka përshëndetur tifozët e tij të rinj. PSG ka postuar në rrjetet sociale një video ku "zyrtarizon" yllin argjentinas dhe thotë se prezantimi e konferenca do bëhet të mërkurën në orën 11:00 në stadiumin 'Parc de Princes'.
Kontrata 2-vjeçare ka opsion rinovimi edhe për një tjetër vit dhe përfitimi do jetë tek 40 mlnfutboll euro në sezon. Messi u largua nga Barcelona ku kaloi 21 vite të karrierës së tij futbollistike ku fitoi 35 trofe. /Përgatiti Andi Kapxhiu
