Barcelona u “turpërua” nga Osasuna në Camp Nou dhe kapiteni Leo Messi shpërtheu në fund të takimit. Katalanasit u mundën 2-1 në stadiumin e tyre. Jose Arnaiz kaloi miqtë në avantazh ndërsa barazimi nga Messi ishte fantastik megjithatë Osasuna në kohën shtesë me Roberto Torres dhe Barcelona e mbyll me turp në shtëpinë e saj. Messi thotë se duke luajtur kështu nuk shkohet askund:” Skuadra lë shumë për të dëshiruar dhe e ka bërë një gjë të tillë në shumë ndeshje. Nëse vazhdojmë kështu nuk mund ta fitojmë Championsin” ka thënë Messi.
Me golat e Marcos Llorente dhe Thomas Atletico Madrid fitoi 2-0 derbin e vogël ndaj Getafes dhe blindon vendin e tretë në renditje.
Në Itali Interi bëri një ndeshje shumë të mirë dhe fitoi me goleadë 4-0 në transfertë ndaj Spal. Candreva në pjesën e parë dhe Biraghi, Sanchez dhe Gagliardini në fraksionin e dytë ishin autorët e golave. 71 pikë për zikaltërit në vend të dytë dhe vetëm 6 pikë larg Juventusit kryesues. Conte i bën presion kampionëve në fuqi. Javën e ardhshme mund të vendoset fati i titullit nga ndeshjet Roma-Inter dhe Juventus-Lazio/ Përgatiti Andi Kapxhiu.
Komente
