Politikë

'Mësuesit po aq të rëndësishëm sa ushtria, duhen ngritur në piedestal', Rama: Brenda kësaj dekade paga mesatare e tyre 1250 euro

2 Prill, 17:09| Përditesimi: 2 Prill, 18:50

  • Share

 

Nga shkolla “Besnik Sykja” në Tiranë, kryeministri Edi Rama tha se brenda kësaj dekade paga mesatare e mësuesve do të jetë 1250 euro.

Kryeministri vlerësoi punën e mësuesve, ndërsa shtoi se mësuesit janë po aq të rëndësishëm sa ushtria dhe se duhen mbështetur në punën e tyre.

“Ne synojmë që brenda kësaj dekade, pagën mesatare të mësuesve do ta çojmë 1250 euro. Është e bëshme, nuk besoj se do të kemi problem me këtë. Ndërkohë, që siç foli kryetarja në detyrë e bashkisë, siç foli ministrja, pjesa tjetër e përmirësimit të kushteve në shkolla shkon në favor të rritjes së dëshirës për të shkuar në punë. Mësuesit janë po aq të rëndësishëm sa ushtria, sepse janë një trup e cila përballjen do ta kenë më të egër. Prandaj janë një trup që duhet të mbështet dhe vlerësohet, të ngrihet në piedestal”, tha ndër të tjera Rama.


Lajmi kryesor:

Mbyllja e TikTok, Rama: Mbrojmë fëmijët, mos instaloni VPN! Propozoj që seriali ‘Adoleshenca’ të jepet në shkolla


S.B/E.H/ReportTv.al
  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?