Ilir Meta akuzon qeverinë për korrupsion të shfrenuar në sistemin energjetik duke u bazuar në raportin e KLSH për kaskadën e Drinit që thotë se është keqmenaxhuar. Meta thotë se kreu i qeverisë ka synim vetëm të vjedhë xhepat e qytetarëve ndërsa vendi zhytet në korrupsion.
Duke i vënë sërish theksin protestës dhe “revolucionit” që pretendon se ka nisur bashkë me Berishën, shprehet se revolta popullore ka shpërthyer dhe është më e vendosur se kurrë dhe ajo nuk do të ndalet deri në largimin përfundimtar të Edi Ramës.
Reagimi i plotë
Progres Raporti mbi Energjinë e Rinovueshme i dorëzuar nga Qeveria në EUROSTAT pohon dështimin e thellë në sektorin energjitik, veçanërisht në rritjen e kapaciteteve prodhuese të energjisë nga burimet e rinovueshme dhe të skemës mbështetëse për promovimin e gjenerimit të energjisë fotovoltaike.
Sipas këtij raporti të hartuar nga vetë Ministria e Instrastrukturës dhe Energjisë, pranohet dështimi i thellë në prodhimin e kulturave bujqësore të dedikuara për prodhimin e energjisë, ndërkohë që jepet zero informacion për energjinë e prodhuar nga mbetjet urbane të biodegradueshme.
Qeveria rezulton se nuk ka përmbushur asnjë detyrë sipas Planit të Konsoliduar të Veprimit për Burimet e Rinovueshme të Energjisë ku përgjatë viteve 2019-2020 do të instaloheshin centrale me kapacitete të instaluara prej 490 MgË nga energjia e prodhuar nga burimet e rinovueshme fotovoltaike.
Rikujtoj se Partia e Lirisë, në mbështetje të kërkesave të klientëve privatë dhe familjarë, prej kohësh ka depozituar në Kuvend projektligjin “Për Sektorin e Energjisë Elektrike”, ku ndër të tjera propozon: “Që për vetëprodhuesit, ndërtimi i kapaciteteve të energjisë nga burimet e rinovueshme deri në 2MgË që prodhojnë energji elektrike nga dielli, miratohen nga Operatori i Shpërndarjes”.
Sepse ne besojmë se ky është interes i qytetarëve, i konsumatorëve, i sipërmarrësve por është dhe një interes publik, duke e gjykuar se në këtë mënyrë u vijmë në ndihmë familjeve dhe bizneseve që nuk e përballojnë dot koston aktuale të çmimit të energjisë elektrike dhe kontribuojmë që t’i jepet fund korrupsionit të blerjes së energjisë elektrike.
Për t’u ndalur në korrupsionin e shfrenuar në sistemin energjitik, së fundmi jemi njohur edhe me raportin e Kontrollit të Lartë të Shtetit, që citon se kaskada e Drinit është keqmenxhuar e për rrjedhojë, importet janë bërë me çmime të larta duke gllabëruar disa qindra milionë euro.
Konkretisht KLSH vlerëson se “Keqmenaxhimi i kaskadës së Drinit, solli si pasojë rënien e rezervës hidroenergjetike në liqenin e Fierzës dhe rritjen e kërkesës për import të energjisë elektrike, në një periudhë që përkon me çmime shumë të larta të energjisë elektrike në bursë. Vlera e importit të energjisë elektrike për 6-mujorin e parë të 2022, u rrit me 156% krahasuar me vlerën e këtyre importeve për vitin 2021. Shpenzimet për blerjen e energjisë nga importi për vitin 2021 dhe 6 mujorin e parë 2022, arritën vlerën 659.9 milionë euro”, thuhet në auditimin e KLSH.
Është e qartë se Qeveria ka interes vetëm që korrupsioni të vazhdojë dhe qytetarët të grabiten, veçanërisht në kushtet kur për dy termocentralet lundruese, që u morën me qira dyvjeçare për të mbuluar kërkesën për energji elektrike në këtë periudhë krize, nga shtatori i vitit të kaluar dhe deri në shkurt 2023 janë shpenzuar rreth 15 milion euro për qera dhe mirëmbajtje ndërkohë nuk është prodhuar as edhe 1(një) MËh energji.
Mjaftonin këto qindra milion euro të “avulluara” vetëm si pasojë e korrupsionit, aferave dhe keqmenaxhimit të sistemit energjitik shqiptar për të plotësuar të paktën kërkesat e drejta dhe plotësisht të realizueshme të pedagogëve, që sërish do të rikthehen në protestë në datën 22 shkurt për paga dinjitoze, të paktën sa të kolegëve të tyre në Kosovë.
Me Edi Ramën kryeministër vendi vetëm zhytet në korrupsion, duke u renditur të parët në kontinent dhe të dytët në botë për ryshfet pas Zambias, ndërkohë që Kosova përmirësohet me 20 vende vetëm në dy vite.
Ndaj pagat dhe pensionet në Shqipëri janë sa gjysma e pagave dhe pensioneve në vendet fqinje dhe pedagogët tanë kërkojnë pagesa sa të kolegëve të tyre në Kosovë.
Shqiptarët e kanë marrë vendimin e tyre solemn dhe nuk do të lejojnë me që Edi Rama me korrupsionin skizofrenik të prodhojë vetëm mjerim dhe shpopullim, duke vjedhur taksat dhe pasuritë kombëtare për të mbajtur në këmbë këtë regjim të kalbur nga hajdutëria dhe krimi, siç u faktua edhe me aferën e zezë shtetërore “McGonigal”.
Revolta popullore, ka shpërthyer, më e vendosur se kurrë dhe ajo nuk do të ndalet deri në largimin përfundimtar të Edi Ramës, i cili kërkon të asgjësojë tani edhe Kuvendin, sepse kërkon të asgjësojë llogaridhënien, pluralizmin dhe opozitën që përfaqëson vullnetin e 750 mijë qytetarëve.
Bllokimi mafioz i të gjithë projektligjeve të opozitës, i komisioneve hetimore, i interpelancave, i heqjes të së drejtës së fjalës, i largimit nga Këshilli i Integrimit Europian, i përjashtimit të deputetëve, i bllokimit të informacionit që deputetët i kërkojnë Qeverisë janë krime të vërteta ndaj Kuvendit, që po kthehet në një zyrë noteriale për korrupsionin e Kryeministrit në largim.
Ndaj nesër në ora 10:00 ne do të jemi sërish në protestë para Kuvendit, në mbrojtje me çdo çmim të Republikës Parlamentare!
Komente
mos shpresoni kot se ai sdo largohet ndonjeher nga protestat qe ju beni
Përgjigjuju skeni ca beni dhe organizoni protesta.o ke vjedh tj xhepat e shqiptarve o ska vjedh njeri
PërgjigjuNuk ka forc ne bote e ne jete te shpopullsoj shqiptaret se jane popull i vuajtjes dhe i sakrifices! Ju jeni tradhtari tradhtareve te Shqiperis.Perpiqeni me cdo lloj menyre te ulni dinjitetin e shqiptareve per interesat tuaja personale! Rinia shqiptare i ka dyert e hapura dhe do fluturoj ku ti doje zemra e ku ta ndjej veten me mire.Ne cdo vend te botes ku do shkojn do kontribojn dhe per vendin e tyre.Emigrimi eshte kultur pune ,dijeje,jetese dhe aspak nuk eshte shpopullsim!Masni fjalet dhe akuzat para se ti thoni dhe ktheni koken prapa te shikoni se nga erdhet!
PërgjigjuA ti meriton burgun,njeri me te poshter se ty skam pare vetem te genjesh e te besh trazira di.Kriminel.
PërgjigjuKu ke ti goje te flasesh per vjedhje,qe ti je hajduti me i madh qe ka njohur ky vend.
Përgjigju