Presidenti Ilir Meta ka dekretuar sot ligjin për mbështetjen dhe zhvillimin e startup-eve.
Sipas Metës, nëse ky ligj do të zbatohet drejtë, në mënyrë objektive dhe me paanshmëri nga institucionet përgjegjëse, do të jetë një mbështetje e mirë për të rinjtë për ngritjen e bizneseve të reja, pasi krijon lehtësira për hyrjen në treg, zhvillimin e burimeve njerëzore, lehtësimin dhe mbështetjen në aksesimin në burime financiare.
Sipas Qeverisë, ky ligj mbështet kryesisht të rinjtë në zgjerimin e angazhimit të tyre në tregun e punës dhe rritjen e ekonomisë së vendit.
Qëllimi i këtij ligji është krijimi i një kuadri rregullator për zhvillimin e startup-eve në dobi të zhvillimit ekonomik. Po ashtu përcakton kriteret bazë dhe procedurat për zhvillimin, monitorimin e startup-eve dhe lehtëson hyrjen në treg të bizneseve me ide inovatore.
Komente
Mos dil me hajdut,zhduku.
Përgjigju