Presidenti Ilir Meta i ka dërguar sot Kuvendit kërkesën për krijimin e dekoratës së lartë shtetërore 'Mbretëresha Geraldinë'. Në kërkesën e tij, Meta shkruan se vjen në kuadër të 100-Vjetorit të vendosjes së marrëdhënieve diplomatike mes Shqipërisë dhe Hungarisë dhe 20-Vjetorit të rikthimit në Atdhe të Familjes Mbretërore Shqiptare.
Meta propozon që kjo dekoratë t’i dedikohet kryesisht, grave dhe vajzave shqiptare dhe të huaja, që promovojnë vendin tonë.
"Propozoj që Dekorata 'Mbretëresha Geraldinë' t’u jepet personaliteteve shqiptare dhe të huaja, kryesisht grave dhe vajzave, kontributi dhe shërbimet e shquara të të cilave, lartësojnë rolin e kombit dhe të gruas shqiptare brenda dhe jashtë vendit, nën moton e Mbretëreshës Geraldinë 'Detyrë dhe Dashuri'", thuhet në kërkesën e Metës, drejtuar Kuvendit.
Kërkesa e Metës, dërguar Kuvendit:
Viti 2022 shënon 100-Vjetorin e vendosjes së marrëdhënieve diplomatike mes Shqipërisë dhe Hungarisë dhe 20-Vjetorin e rikthimit në Atdhe të Familjes Mbretërore Shqiptare.
Në kuadër të këtyre dy momenteve të rëndësishme për vendin tonë, kam kënaqësinë të kërkoj bashkëpunimin tuaj, për të bërë të mundur krijimin e dekoratës së lartë shtetërore “Mbretëresha Geraldinë”.
Kjo dekoratë do të jetë vlerësim dhe mirënjohje për Mbretëreshën Geraldinë, e cila e deshi Shqipërinë dhe iu përkushtua, gjatë gjithë jetës së saj, me dashuri e pasion.
Dekorata e lartë “Mbretëresha Geraldinë” do t’u dedikohet kryesisht, grave dhe vajzave shqiptare dhe të huaja, që me dashuri e pasion japin kontribut dhe promovojnë vendin tonë dhe vlerat e tij historike e kulturore, trashëgiminë tonë të pasur e të çmuar dhe përkatësinë tonë të fortë europiane.
Jam i bindur që kjo dekoratë e lartë do të rris, njëkohësisht, ndërgjegjësimin e shoqërisë sonë, mbi rolin thelbësor e të pazëvendësueshëm të grave e vajzave shqiptare, për sakrificat, përkushtimin dhe dedikimin e tyre ndaj familjes dhe shtresave më në nevojë dhe për kontributin e tyre të jashtëzakonshëm në zhvillimin e shoqërisë dhe të vendit tonë.
Propozoj që Dekorata “Mbretëresha Geraldinë” t’u jepet personaliteteve shqiptare dhe të huaja, kryesisht grave dhe vajzave, kontributi dhe shërbimet e shquara të të cilave, lartësojnë rolin e kombit dhe të gruas shqiptare brenda dhe jashtë vendit, nën moton e Mbretëreshës Geraldinë “Detyrë dhe Dashuri”.
Komente
Kemi emra femrash shqiptare,te cilat e meritojne nje çmim ne emer te tyre,e jo kesaj zonje qe ishte gruaja e nje varstari,hajduti e tradhtari i cili shqiptaret i solli ne gremine ekezistence,te vuajne edhe nga morrat e zhuga, Vertet a mendun institucionet kompetente çfare te mire i solli Geraldina me "burrin" e saj Zogun shqiptarve dhe Shqiperise/!!!
PërgjigjuCeshte ky ogurzi i paskrupullt dhe ordiner: cperben per gruan shqiptare mbretnesha Geraldine?
Përgjigjumbreteresha geraldine nje fatzeze qe perfundoi ne shqiperi, e me te mburet mbreteria se nuk ka gje tjeter per tu mburur. koha e qeverisjes nga nje i kthyer mbret malok kokeshkemb eshtedhe ajo nje kohe e erret per shqiptaret. jo po hajde te bejme nje dekorate themie thonai per femeret se milte shpejt themija lopet. ky president ne grahmat e tij para burgut tashti po keput cfare te munde.