Presidenti Ilir Meta tha se mazhoranca është fajtore për largimin e opozitës nga Kuvendi ndërsa akuzoi qeverinë se me grushtin e shtetit po të ecën me të njëjtin ritëm të shpopullimit të vendit, por ai shtoi se nuk do ta lejojë këtë.
"Një vit më parë ata provokuan opozitën për ta larguan nga parlamenti, vrapuan të zëvendësonin deputetët në kundërshtim të plotë me kodin zgjedhor, me ligjin, kushtetutën, vetëm që të eliminohej opozita në Kuvend. Jemi kthyer në një shtet që kujtohemi për shkencëtarët vetëm kur na bie tërmeti. Ku nuk investohet në kërkimin shkencor në bizneset e reja. Grushti i shtetit ka ecur me të njëjtin hap me shpopullimin e vendit. Por shfarosja e Shqipërisë nuk do të ndodhë kurrë. Nëse nga Kosova largohet 1 qytetar, nga Shqipëria 5. Ku po shkojmë kështu? Klima e biznesit në Shqipëri është më e rënda në kontinent. Nuk ka asnjë reagim, ka vetëm heshtje, se ka vetëm kapje, dhe kur kjo ndodh me autoritetin kushtetues të presidentit ju e dini vet se ç'ndodh me ju dhe qytetarët e pambrojtur që nuk kanë mundësi të flasin diku. Si mund të ketë besim tek ky sistem kur synohet të vidhet anëtari i Gjykatës Kushtetuese që duhet ta zgjedhë vetëm presidenti?", tha Meta, duke kujtuar edhe veprimet e mazhorancës kur e konsideroi nuk dekretin e presidentit për anulimin e zgjedhjeve lokale të 30 qershorit.
"Ata nuk kanë kuptuar gjë akoma, kujtojnë se institucionet e tyre janë supreme. Dekretin e anulimit të 30 qershorit e zbatoi mbarë populli shqiptar duke bojkotuar zgjedhjet. Edhe pse nën presionin e administratën, si ato përgjimet e zogut të Tiranës që i jepnin lekë për vota, nuk arritën dot të bënin letrat. Rrëmbyen 61 bashkitë. Faleminderit KiE që i bojkotoi këto zgjedhje duke anuluar monitorimin e zgjedhjeve 1 partiake", tha Meta.
Lajmi kryesor:
2 orë tubim/ Meta: Pas 15 marsit firmos shpërndarjen e parlamentit!...Kërcënon të mësyjë Kuvendin nëse 'dekreti nuk merret seriozisht' (VIDEO)
G.M.//ReportTv.al