TIRANË- Presidenti i Republikës Ilir Meta kujton 8 gushtin e vitit 1944, atëherë kur rreth 300 të rinj antifashistë u mblodhën në malet e Skraparit për të nisur Kongresin e Parë të Rinisë Antifashiste të Shqipërisë.
Edhe kësaj herë, kreu i shtetit ka zgjedhur që në përkujtim të kësaj date, të japë edhe mesazhe të forta që lidhen me aktualitetin politik në vend. Kësaj herë, Meta ka u drejtohet të rinjve , duke thënë se është momenti të kërkojmë një angazhim më të fortë të tyre në mbrojtje të lirisë dhe rrugës europiane.
"Në 8 gusht të vitit 1944 rreth 300 të rinj antifashistë u mblodhën në malet e Skraparit të çliruar për të nisur Kongresin e Parë të Rinisë Antifashiste të Shqipërisë. Delegatët vinin nga mbarë vendi, nga zonat e çliruara dhe ato ende të pushtuara, nga formacionet partizane dhe shkollat e mesme që ishin kthyer në qendrat kryesore të antifashizmit në Shqipëri.
Atë ditë, delegati më i ri, partizani Sabri Godo, pas një udhëtimi pafund në këmbë për ditë të tëra do festonte 15-vjetorin e tij. Ishin kohë të mëdha idealesh për Liri. Kërkoheshin sakrificat më sublime dhe Rinia e Shqipërisë nuk i kurseu ato deri në çlirimin e plotë të vendit. Duke nderuar sot me përulësi sakrificat e jashtëzakonshme të asaj gjenerate të jashtëzakonshme, është momenti të kërkojmë një angazhim më të fortë të rinisë tonë në mbrojtje të lirisë dhe rrugës europiane të vendit", shkruan Meta.
Komente
Meta hajdut hajdut hajdut
Përgjigju