TIRANË- Me rastin e Ditës Ndërkombëtare të të Moshuarve, Presidenti Ilir Meta priti dje në një takim një grup të moshuarish. Gjatë bashkëbisedimit me ta, Meta theksoi domosdoshmërinë që shoqëria jonë, në shembullin e Shenjtores Nënë Tereza, të kujdeset me më shumë dashuri dhe vëmendje për pjesëtarët e saj.
“Përkujdesja dhe vëmendja ndaj sfidave dhe problematikave me të cilat përballen të moshuarit është detyrim i të gjithë shoqërisë sonë”, - nënvizoi Kreu i Shtetit
Presidenti Meta theksoi se institucionet shtetërore në veçanti, duhet të tregojnë më shumë respekt e përkujdesje për moshën e tretë, për hallet e tyre, pasi kontributi e përvoja e prindërve dhe gjyshërve tanë është një aset i çmuar për sot e të ardhmen.
"Shoqëria jonë, veçanërisht brezi i ri, jo vetëm duhet të mësojë nga eksperienca juaj, por duhet t’i investojë këto përvoja në edukimin e brezit të ri, me ndjenjën e punës, të ndershmërisë, përgjegjshmërisë e seriozitetit, por edhe me ruajtjen e forcimin e ndjenjës sonë kombëtare”, - tha Presidenti Meta. Sipas njoftimit të presidencës, kreu i shtetit theksoi se problemi më i madh sot është mbajtja e të rinjve në vendin tonë, sepse largimi i tyre masiv do të sjellë pasoja katastrofike për shoqërinë në të ardhmen.
Gjithashtu, tha se në këtë ditë të të moshuarve duhet të vlerësojmë edhe rolin e tyre në familje dhe në shoqëri. “Gjyshërit janë shpesh mbështetje e madhe për nipërit dhe mbesat e tyre, jo vetëm me kujdesin në rritjen e tyre, por edhe me edukimin e transmetimin e eksperiencave jetësore. Por nga ana tjetër, të moshuarit kanë nevojë për mbështetjen e familjes e të fëmijëve të tyre, veçanërisht në situata të vështira e në pamundësi shëndetësore”, - u shpreh Presidenti Meta gjatë takimit.
Komente
E kishe bllokun ne dore mo chele president
PërgjigjuASPAK NUK BEHET PER TE MOSHUARIT,,,AS PENSION,,AS QENDRA SHERBIMI PER TA,,,AZILET JANE PER FAQE TE ZEZE,,,,,LULISHTE ,,,APO QENDRA REKREACIONALIE NUK EKZISTOJNE ,,,SEPSE DUAN BETONizim.....
Përgjigju