Presidenti i Republikës, Ilir Meta, ka përshëndetur samitin e NATO-s në Bruksel. Në një status në Tëitter, Meta shkruan se ky samit përforcon lidhjen transatlantike mes vendeve. Meta thotë se ky samit ka shërbyer për më shumë siguri në Ballkanin Perëndimor.
Reagimi i plotë:
Samiti i #NATO në Bruksel përforcoi lidhjen jetike transatlantike përmes vendimeve edhe më angazhuese për të gjithë. Përshëndes ftesën për anëtarësim drejtuar Republikës së ardhshme të #Maqedonisë Veriore, katalizator për më shumë siguri dhe stabilitet në #Ballkanin Perëndimor.
Ilir Meta, president
Prej dy ditësh në Bruksel po zhvillohet samiti i NATO-s. Në këtë samit kanë marrë pjesë liderët e vendeve anëtare dhe presidenti amerikan Donald Trump. Kryeministri Edi Rama ka zhvilluar një takim me Trump dhe sekretarin e Shtetit Mike Pompeo, në këtë samit.