Kryetari i Komisionit të Ligjeve Ulsi Manja e ka cilësuar si një problem serioz kandidaturën e dekretuar të Bahri Shaqirit për në krye të KLSH-së, pasi sipas tij Kushtetuta e përcakton qartë se kandidati për Kontrollin e Lartë të Shtetit duhet të ketë ekspertizën në fushën e financave.
Manja shprehet më tej se për këtë aktivitet të Shaqirit ende nuk ka të dhëna publike, por edhe nëse do i vendoste në dispozicion LSI-ja, sipas tij sërish nuk do zgjidhej problemi kushtetues i kandidaturës.
Për sa i takon Komisionit të Ligjeve e shoh realisht të pamundur dritën jeshile për zotin Shaqiri. (...) Mbase zoti Shaqiri ka punuar me financat e LSI-së dhe këtë mund të ketë pasur parasysh kryetari në distancë i LSI-së, presidenti Meta, kur e ka propozuar. Por e para s’ka të dhëna publike për këtë aktivitet dhe e dyta edhe sikur të na i vinte në dispozicion këto të dhëna LSI-ja, prapëseprapë kjo nuk do ta zgjidhte problemin kushtetues të kandidaturës.
Ulsi Manja, Kryetar i Komisionit të Ligjeve
Teksa shpreh respektin e tij ndaj punës së Shaqirit në krye të SHISH-it, Manja e shikon shqetësuese "manifestimin e përsëritur” të presidentit Ilir Meta për të mos e lexuar në shqip Kushtetutën e vendit.
Postimi i plotë i kryetarit të Komisionit të Ligjeve, Ulsi Manja:
Komente
