Presidenti Ilir Meta, përmes një postimi në rrjetin e tij social Facebook ka bërë me dije takimin me Ambasadorin e Rumanisë, me rastin e paraqitjes së Letrave Kredenciale.
Presidenti shkruan se gjatë takimit i ka uruar sukses në misionin e tij për fuqizimin e mëtejshëm të marrëdhënieve tradicionale shumë të mira mes Shqipërisë dhe Rumanisë në procesin e integrimit evropian të Shqipërisë.
“Në themel të marrëdhënieve historike mes popujve tanë qëndron aktiviteti i çmuar i diasporës shqiptare në Rumani për ruajtjen e traditës, gjuhës e kulturës shqipe, por veçanërisht kontributi i saj i vyer për shpalljen e Pavarësisë së Shqipërisë.”, shkruan Meta në fund.
Komento
