TIRANE - Presidenti i Ilir Meta priti sot në një takim kryetarin e Komitetit Ushtarak të NATO-s, Marshall Sir Stuart Peach.
Duke e vlerësuar si legjitime kërkesën e NATO-s për të ndarjen e drejtë të barrës së përgjegjësive, Kreu i Shtetit theksoi se i ka kërkuar Qeverisë, t’u përmbahet angazhimeve zyrtare të Shqipërisë, duke rritur vit pas viti buxhetin deri në 2% të GDP në vitin 2024.
“Shqipëria është një anëtare e NATO-s, e pozicionuar në mënyrë të vendosur në procesin e integrimit europian, duke pritur që të hapë negociatat e pranimit të saj. Shqiptarët e kanë bërë zgjedhjen e tyre, për t’u bashkuar me NATO-n dhe Bashkimin Europian. Askush nuk mund t’ia ndryshojë rrugëtimin këtij projekti strategjik. Do punoj pa u lodhur për një Shqipëri të qëndrueshme, demokratike dhe anëtare të denjë të NATO-s, që siç tha Sekretari i Përgjithshëm Stoltenberg gjatë vizitës së Tij në Tiranë, ka në zemër demokracinë”, - u shpreh Kreu i Shtetit.
Presidenti Meta vlerësoi mbështetjen e dhënë nga Komiteti Ushtarak i NATO-s për projektin e Bazës Ajrore të Kuçovës, duke garantuar se bashkëpunimi me Aleancën ka një rëndësi strategjike për sigurinë kombëtare dhe rajonale.
Siç bën të ditur zyra e shtypit të Presidencës, Meta "siguroi se Shqipëria do të vijojë kontributet e saj në misionet në Afganistan, Kosovë, Bosnje-Hercegovinë, Mali, Detin Egje, Letoni, Rumani, Mesdhe, etj".
Kreu i Shtetit shprehu mbështetjen e Tij ndaj përpjekjeve të beverisë së Kosovës, për integrimin në NATO dhe ngritjen e Forcave të Armatosura si “kontribut shtesë për sigurinë dhe stabilitetin afatgjatë të rajonit”.
Komente
Terhiquuuuu... terhiquuuu.. Ilir Metaaaa! Jane keta o Ilir "trimi" qe duan prokuren e pergjithshme te perkohshme, qe ti e ke tmerr vetem kur i degjon emrin se te futi ne burg te tute e rruges se Elbasanit,jane keto qe duan Gjukaten kushtetuese pa gjuqtare te korruptuar, jane keta qe duan gjykaten e larte pa te korruptuar, ku e le trimerine? Tek ferrat? Ngrije koken ngrije se po tret shpata e drejtesise. Halli jote nuk eshte halli Shqiptareve prandaj behu gati per te gjitha. e bete si pune atij qe tregojne. "Kushe vodhi ka mizen te koka" dhe ti ngrite doren te largosh mizen. Te kapi amerika me qerre o Ilir trimi.
PërgjigjuO marshall ky duhet te jet ne burg jo president
Përgjigju