Ilir Meta zhvilloi sot një takim me përfaqësues të Federatës Pan-shqiptare në SHBA, Vatra. Ai shprehu mirënjohjen për personat e angazhuar me Vatrën për të mbrojtur dhe promovuar identitetin tonë kombëtar.
“I lumtur të mirëprisja sot në një takim vëllazëror një përfaqësi të Federatës Pan-Shqiptare "Vatra", z.Mondi Rakaj, z.Tasim Ruko dhe z.Mersin Gjini, të cilët i falenderova edhe njëherë për pritjen shumë të ngrohtë në New York ku festuam së bashku 110-vjetorin e themelimit të saj. Mirënjohje angazhimit të palodhur dhe përpjekjeve shekullore të vatranëve për të shpëtuar kombin shqiptar, mbrojtur dhe promovuar identitetin tonë kombëtar europian, mundësuar pavarësinë e Shqipërisë dhe të Kosovës, si dhe përshpejtuar proceset tona demokratizuese dhe integruese. Ndamë shumë ide të çmuara për rëndësinë e forcimit të marrëdhënieve mes Shqipërisë dhe diasporës tonë në SHBA, për të qenë pjesëmarrës shumë më aktivë dhe vendimmarrës në zhvillimet e vendit tonë”, shkroi Meta në Facebook.
Vatra u themelua më 1912-tën në SHBA, për mbrojtjen e të drejtave të shqiptarëve atje, si edhe lobimin në Kongresin e SHBA-së për të drejtat e shqiptarëve nëpër botë. Takimi i parë që bëri bashkë të gjithë shqiptarët në Amerikë,me synimin për të krijuar një federatë të vetme, u zhvillua në 24 dhjetor 1911 në Boston. Pjesëmarrës ishin Faik Konica, Fan Noli, Kristo Floqi, Marko Adams dhe Paskal Aleksi.
Komente
Ishte vatra e Nolit dhe Konices qe shoetoi vatanin
Përgjigju