Për të tretën herë, nuk është bërë e mundur zhvillimi i seancës paraprake për dosjen “Metamorfoza”.
Shkak për shtyrjen këtë të enjte u bë mungesa e Pëllumb Gjokës, i cili nuk u paraqit në seancë për shkak të problemeve shëndetësore.
Përveç thyerjes së këmbës, Gjoka ka shfaqur edhe probleme me zemrën, konkretisht me aritminë, problem i cili sipas avokatit, ka penguar atë të kryerje operacionin e këmbës në spitalin privat.
Në seancën e kësaj të enjte në GJKKO u paraqit një avokat italian i cili kërkoi të ishte i pranishëm në seancë, ndërkohë që nuk u lejua për shkak se është seancë paraprake.
Një avokat italian u paraqit ne gjykate me kërkesën per te ndjekur procesin, pasi pretendoi se një studio në Itali dhe një tjetër në Britaninë e Madhe po përgatiten ta dërgojnë çështjen në Gjykatën e Strasburgut. Avokati nuk u lejua te merrte pjese në këtë herë.
Seanca e radhës u caktua në datë 18 korrik ora 11.00.
Më 4 maj, Prokuroria e Posaçme mbylli hetimet dhe dërgoi në GJKKO dosjen për gjykim, për disa të pandehur, ndërkohë qe ndau çështjes për disa të tjerë.
Prokuroria e Posaçme deri më tani i ka komunikuar akuzat biznesmenit Pëllumb Gjoka, ish shefit të operacioneve Oltion Bistrit dhe Ardit Hasanbegaj.
Komente
Ky notoka ne para! Dy avokate te huaj,nje dergim i mundshem ceshtje ne Strasburg dhe nje spital privat me mes,per te mos folur per thyerjen /aksidentale/ te kembes dhe /aritmine/ qe ju zbulua papritur.Ja ka bllokuar te gjitha parate prokuroria apo jo? I kane bere hetim per origjinen e tyre?
Përgjigju