Microsoft ka ndërprerë një grup hakerimi me bazë në Kinë që synonte organizata në SHBA dhe 28 vende të tjera anembanë botës, tha Zëvendës Presidenti i Korporatës për Sigurinë dhe Besimin e Klientit Tom Burt në një postim në blog.
“Njësia e krimeve dixhitale të Microsoft (DCU) ka ndërprerë aktivitetet e një grupi hakerimi me bazë në Kinë që ne e quajmë Nickel. Në dokumentet që u zbuluan sot, një gjykatë federale në Virxhinia ka pranuar kërkesën tonë për të sekuestruar faqet e internetit që Nickel përdorte për të sulmuar organizatat në Shtetet e Bashkuara dhe 28 vende të tjera anembanë botës, duke na mundësuar të ndërpresim aksesin e Nikelit ndaj viktimave të tij dhe të parandalojmë faqet e internetit të mos përdoren për të ekzekutuar sulme, "tha Burt të hënën.
Ndërprerja nuk do ta pengojë Nickel nga vazhdimi i aktiviteteve të tjera hakerimi, tha Burt, duke vënë në dukje se Microsoft beson se ata kanë hequr një pjesë kyçe të infrastrukturës së grupit.
Burt vuri në dukje se Microsoft beson se sulmet që po ekzekutoheshin nga Nickel po përdoreshin për mbledhjen e inteligjencës për agjencitë qeveritare, grupet e mendimit dhe organizatat e të drejtave të njeriut. Ata kanë shënjestruar organizata publike dhe private në mbarë botën, duke përfshirë organizatat diplomatike dhe ministritë, dhe sulmet shpesh lidhen me interesat gjeopolitike të Kinës, shtoi Burt.
