Marco Asensio me shumë mundësi do largohet këtë sezon nga Real Madrid, me qëllim që ‘Los Blancos’ mos ta humbasin në verën e 2023 me parametra zero. Së fundmi është përfolur se 26-vjeçari mund të kalojë te Milan në verë, por duket se kjo nuk është vetëm një thashethem.
Agjenti i futbollistit në një interviste për ‘Sportmediaset’ ka sqaruar më shumë rreth kësaj çështje.
“Interesi i Milanit është një krenari për ne. E ardhmja tek ata mund të jetë një opsion i mirë. Kemi dhe oferta nga klube angleze. Gjithçka po shqyrtohet me kujdes për të bërë zgjedhjen më të mire,”-u shpreh agjenti i Asensios.
Paolo Maldini, i cili është një admirues i sulmuesit spanjoll, do të ishte i gatshëm ta bënte një sakrificë në merkato dhe t’i dhuronte Stefano Piolit dy-herë fituesin e Chempions, për të përforcuar akoma më shumë sulmin e Milanit.
